أشهر الاسئلة عن دراسة اللغة الانجليزية مهمة لكل مبتدئ في الانجليزية

أشهر الاسئلة عن دراسة اللغة الانجليزية 

أشهر الاسئلة عن دراسة اللغة الانجليزية هذه الاسئلة هي أساسية ومهمة لكل مبتدئ في الانجليزية لانها تخطر في بالك عند بدء رحلتك نحو تعلم الانجليزية

1- هل ينفع اتعلم انجليزي لوحدي ولا لازم كورس؟

السؤال اصلا ليه تاخد كورس ، اغلبية الكورسات مش هتعمل فرق معاك و مش هتتعلم حاجة و الموضوع بالنسبة لهم فلوس و تجارة بس.

كورس انجليزى 2020 لتعلم اللغة الانجليزية للمبتدئين حتى الاحتراف

2- لازم كورس بشهادة معتمدة علشان السيرة الذاتية ، اتصرف ازاي؟

لا مش لازم انت محتاج تفهم ان مفيش حاجة اسمها شهادة معتمدة دي مش كلية اربع سنين ،

دي مجرد ورقة بتقول انك حضرت كورس انجليزي مش اكتر. الصح انك الاول تعمل سيرة ذاتية قوية جدا و صحيحة و يوم المقابلة الشخصية لازم تتكلم انجليزي سليم و تكون محضر.

أفضل 5 مواقع تقدم كورسات مجانية ومدفوعة أون لاين بشهادات معتمدة

3- في مركز عنده مدربين اجانب اكيد احسن من المصريين؟
كلمة اجانب دي هي النصب بعينه ، يعني هيجيبلي واحد اجنبي من الصومال يدرسلي انجليزي؟

المفروض يقولي مدرب امريكي او انجليزي ، و حتي لو قال المشكلة انهم في بلدهم مش مدرسين.

المدرسين هناك بياخد حوالي 50 الف دولار في السنة و علشان تجيبوا مصر هتديله علي

الاقل نفس الفلوس يعني حوالي مليون جنيه. طبعا مفيش مركز في مصر هيعمل كدا.

4- سمعت ان الجرامر ملوش لازمة و فيه طرق جديدة للتدريس الكلام دا صح؟
الجرامر هو اساس اللغة و من غيره لا هتعرف تتكلم و لا تكتب انجليزي ، لو سمعت موضوع ان الطفل الامريكي او البريطاني مش بيتعلم جرامر و بيكتسب اللغة بالممارسة ردي هيكون:

تحميل كتاب قواعد اللغــــــــــة الإنجليزية GRAMMAR

اولا انت مش طفل و مش عايش في امريكا و علي اي حال لما بيدخلوا مدارس بيدرسوا جرامر و حياتهم مختلفة خالص. مش انك تفضل تكرر شوية حاجات مرتين في الاسبوع بدون جرامر في الكورس هتتعلم ،لا مش هتتعلم حاجة.

5- انا عايز اتعلم انجليزي في شهرين اعمل ايه؟

روح لساحر  مفيش حاجة اسمها هتتعلم انجليزي في شهرين ، انت بقالك عشرين سنة بتتكلم عربي طول اليوم و عايز تتعلم لغة مختلفة خالص في شهرين ازاي؟ مش ينفع يا عزيزي.

6- اتعلم ازاي مادام انت بتقول بلاش كورسات؟

انا مش بقول بلاش كورسات انا بقول ان اغلبها تجارة و نصب ، لو لاقيت مدرب كويس فعلا روح خد معاه ، 

7- محتاج اذاكر انجليزي كل يوم؟ اصلي مشغول و مش ينفع غير ساعة في اليوم.
ايوا لازم او يفضل كل يوم و لو ساعة ، احسن من يومين في الاسبوع وقت كامل.

اللغة مش هتكتسبها في شهر حتي لو هتذاكر طول اليوم كل يوم.
8- ايه الفرق بين ال IELTS و ال TOEFL؟
الايلتس مش شركة بريطانية و التوفل (او التويفل لو حد سمعه كدا) من شركة امريكية. الاتنين بيختبروا مهاراتك الاربعة في اللغة الانجليزية و هما امتحانات دولية معترف بها من جهات و جامعات كتير جدا.

دليلك إلى تعلم اللغة الإنجليزية من الصفر حتى الاحتراف
9- ايه الفرق في ال IELTS الاكاديمي و العام؟
الايلتس فيه منه اكاديمي للمنح و الدراسة و عام للهجرة و الشغل

10- امتحن توفل ولا ايلتس؟
الايلتس اكثر انتشارا وبالتالي يفضل اه.

11- احسن القواميس ايه؟
قاموس اكسفورد للاندرويد علشان بينطق الجمل بالانجليزي الامريكي و البريطاني و دا مفيد جدا.

في نفس الوقت للمستوي المتوسط هيبقي مفيد اوي انك تستخدم قاموس لونجمان علي الويندوز بس مش للنطق

ولكن لدراسة الكلمات و معانيها. بالنسبة للقواميس العربية بحب صخر علي الكمبيوتر و ترجمة جوجل للكلمات فقط لا غير.

12- عايز موقع يترجم الجمل كاملة و الصفحات؟
مفيش لان الكمبيوتر بشكل عام مش يقدر يفكر علشان يترجم و يفهم المعني المقصود ، ترجم الكلمات فقط و افهم معني الجمل انت.

كيف نترجم نصا من اللغة الانجليزية الى العربية بدون موقع ترجمة جوجل ؟
13- عايز موقع اعمل عليه شات علشان الممارسة ؟
انسي الكلام دا ، لانك مش هتمارس اللغة بجد يعني علي موقع زي كدا.

انطق الجمل المخزنة علي قاموس اكسفورد كل يوم ساعة و هتلاقي نفسك بعد شهور بقيت رائع دا بجانب المذاكرة طبعا مش لوحده النطق يعني.

14- مش بحب اقرأ ولا اذاكر ، اتعلم انجليزي ازاي؟
الحقيقة كدا عمرك ما هتتعلم لو عايش حتي في جامعة كامبريدج نفسها. لازم تتعب و تجتهد و تصبر علشان تتعلم.

15- اتعلم انجليزي بريطاني و لا امريكي؟
الاتنين لغة واحدة اهم اختلافات طبعا في النطق و بعض استخدامات حروف الجر وبعض قواعد الجرامر بس في الاخر لغة واحدة و مش مهم هتتعلم ايه المهم تركز علي واحد منهم و تستمر فيه و مش تشتت نفسك و مع الوقت قدام هتعرف الفروق.

اترك ردّاً

لن يتم نشر عنوان بريدك الإلكتروني. الحقول الإلزامية مشار إليها بـ *