fbpx

أفضل ثلاث كتب في رأي مارك زوكربيرغ مؤسس الفيس بوك

أفضل ثلاث كتب في رأي مارك زوكربيرغ مؤسس الفيس بوك

أفضل ثلاث كتب في رأي مارك زوكربيرغ مؤسس الفيس بوك .التعلم والقراءة من أهم مصادر المعلومات والمعلومات الجديدة هي اللي بتساعد أن الشخص يتطور ويزود دخله 💰 

ويحسن من علاقاته ويعيش حياة أحسن، مفيش حد من الأشخاص المؤثرين أو الأغنياء بيقضى معظم يومه قدام التليفزيون

أو على السوشيال ميديا، القراءة بالنسبة للعقل زي الرياضة بالنسبة للجسم، كل ما تقرأ أكتر كل ما هتطور أكتر.

لو انت مش بتقرأ كتير متقلقش لأنك مش وحدك…

في ناس كتير كده، لكن التغلب على الموضوع ده سهل جداً، مجرد أنك تكوّن عادة القراءة عندك وتلتزم بيها.

أفضل ثلاث كتب في رأي مارك زوكربيرغ مؤسس الفيس بوك
أفضل ثلاث كتب في رأي مارك زوكربيرغ مؤسس الفيس بوك

مارك زوكربيرغ مبدأش يقرأ بجدية إلا في سنة 2015، أعلن ساعتها أن هو قرر يقرأ كتاب

كل أسبوع في مواضيع متنوعة ومختلفة وبالفعل قدر يلتزم بالقرار ده، من ضمن الكتب اللي هو بينصح أن أي حد يقرأهم هم:

Portfolios of the Poor – Daryl Collins
———————————————–
الكتاب ده اتكتب من مجموعة من المؤلفين اللي قضوا 10 سنين يدرسوا الوضع المالي الخاصة

بالطبقات الفقيرة في جنوب أفريقيا والهند وبنجلاديش، استنتجوا من دراساتهم:

-40 % من الناس في الأماكن دي بتعيش على دخل 2 دولار في اليوم أو أقل 😟،

طبعاً المبلغ ده مش هيكفي أكل وشرب وتعليم وصحة وغيرهم لكن بالرغم من كده الطبقة دي عرفت تلاقي حلول للمشاكل بتاعتها.

-ممكن تكون متخيل أن الطبقة دي لما بتحصل على أي دخل بتصرفه لكن اللي الكُتاب اكتشفوه

أن ليهم النظام المالي الخاص بهم اللي عن طريقه بيحاولوا يأمنوا مستقبلهم.

-بعض الحلول قد تبدو غريبة، فهم بيستلفوا مثلاً علشان يحوشوا وطبعاً بيدفعوا فائدة على المبلغ اللي اقترضوه.

-مارك استنتج أهمية وجود مؤسسات مالية كبيرة في المناطق دي تساعد الناس أنها تستفيد أكتر اقتصادياً وبيشجع الناس أنها تهتم بالموضوع ده.

 رأي مارك زوكربيرغ مؤسس الفيس بوك فى كتاب المقدمة – ابن خلدون

-كتاب المقدمة اتكتب سنة 1377، بالرغم من كده إلا أنه يعتبر الأساس لكتير من المعلومات الموجودة دلوقتي في مجال الفلسفة والتاريخ وعلم الاجتماع والاقتصاد 😟.

-ابن خلدون استخدم أسلوب علمي لدراسة التاريخ فكان بيدرس تأثير البيئة والطبيعة الجغرافية على سلوكيات الأشخاص وتحضرهم.

-درس برضه ليه معظم الحضارات الكبيرة بتنهار بعد فترة فاستنتج أن الحضارة بيبقى ليها دورة معينة بمعنى أنها تبدأ صغيرة وبعدين تكبر وتنهار في الآخر 🤔.

أضاف زكربيرغ في تعليقه قائلاً: “إن الكتاب يشرح تاريخ العالم وكتب على يد مثقف في القرن الرابع عشر، ويركز الكتاب حول تدفق الثقافات وتغير المجتمعات، وتطور المدن والسياسة والتجارة والعلوم، ورغم أن معظم نظرياتها ثبت بطلانها اليوم وبعد 700 عام، إلا أنه من المثير للاهتمام هو الإطلاع على كيفية فهم التطور حينها، والاطلاع على نظرة عالمية لربط الأجزاء سوياً.”

-الكتاب بتاعه أساس لعلم الاجتماع دلوقتي في أكتر من مكان في العالم لكن بالرغم من كده

فيه بعض المفاهيم اللي العلماء اكتشفوا دلوقتي أنها مش صحيحة.

-مارك بيقول أنه بالرغم أن مش كل الكلام اللي في الكتاب صحيح إلا انه مفيد نعرف الناس كانت بتفكر إزاي في الوقت ده.

Creativity,Inc- Ed Catmull
——————————-
-الكاتب هو مؤسس شركة بيكسار المشهورة بإنتاجها لأكتر أفلام الكارتون ناجحة،

قرر يكتب الكتاب ده علشان يتكلم عن أهمية الخيال والإبداع.

-بيكشف في الكتاب ده عن الأفكار والطرق اللي خليت شركة بيكسار مؤثرة وفي نفس الوقت أرباحها عالية 💰.

-الكاتب كان عنده حلم انه ينتج فيلم كارتون بمواصفات معينة، بدأ أول خطوة سنة 1986،

بعد 9 سنين نجح في أنه يعمل فيلم قصة لعبة او Toy story- الفيلم ده غيّر مفهوم أفلام الكارتون

وشركة بيكسار انتجت 13 فيلم بعد كده، الكاتب بيقول أن سبب النجاح هو نظام وتكنيكات الإدارة والقيادة في الشركة اللي بيشجع على الإبداع زي:

1.مش وظيفة القائد أو المدير أنه يتجنب المخاطر لكن وظيفته أنه يخلي البيئة آمنة بحيث أن غيره يقدر ياخد المخاطرة.

2.تكلفة تجنب المشاكل أكبر بكتير من تكلفة حلهم.

3.المفروض الشركة تكون قائمة أن أي فرد يقدر يتواصل مع أي فرد تاني مهما كان اختلاف الدرجات الوظيفية.

مارك بيقول أن اللي عجبه في الكتاب ده هو إزاي شركة زي بيكسار اتعملت وإزاي أنها بتشجع على الإبداع والأفكار الجديدة.

أفضل 5 كتب لتطوير الذات والتنمية البشرية في رأي أوبرا وينفري

المراجع 

مارك_زوكربيرغ

اترك رد

لن يتم نشر عنوان بريدك الإلكتروني.