أفضل وقت للمذاكرة للتحصيل وعلاج النسيان وعدم التركيز؟

 أفضل وقت للمذاكرة للتحصيل وعدم النسيان؟

أفضل وقت للمذاكرة

أثناء دراستي الجامعية كنت بحب قوى اذاكر الصبح، كنت بحس أن تركيزي أعلى وبستوعب

المواد اللي بذاكرها بشكل أحسن، كنت بستغرب قوى لما الاقي حد من زمايلي يقولي العكس وأن هو مش بيقدر يذاكر أبداً الصبح وأن أحسن وقت بيستوعب فيه هو من بعد المغرب كده.

لما دورت أكتر بعد كده في مواضيع التعلم والمذاكرة لقيت أن مفيش تعارض بين الاتنين،

بمعنى فيه ناس ممكن تستوعب أكتر المذاكرة الصبح وناس تانية بليل، الموضوع بيختلف حسب طبيعة الشخص أو حتى حسب طبيعة المادة اللي بيذاكرها.

في الحقيقة كل وقت بيبقى ليه مميزات وعيوب زي:
============================
المذاكرة في وقت النهار:
———————-
مميزاتها:

  1. -لما تبدأ المذاكرة في وقت النهار غالبا هتبدأ بعد ما تكون صحيت من النوم وشحنت طاقتك فقدرتك على الاستيعاب والمذاكرة هتبقى أحسن.
  2. -مش هتحتاج ضوء صناعي، هتقدر تذاكر في ضوء النهار واللي بيبقى أريح للعين فهتستوعب بشكل أحسن.
  3. -لو انت من النوع اللي بتفضل تذاكر مع أصحابك فبسهولة تقدر تتجمع معهم الصبح.
  4. -لو احتجت أي حاجة زي مساعدة من واحد صاحبك أو استشارة من مدرس مثلا أو دكتور فبسهولة هتعرف توصلهم الصبح.

عيوبها:

  • -الصبح بتبقى المشتتات كتير قوى، ممكن حد من أهلك أو أصحابك يقاطعك وانت بتذاكر ويؤثر على تركيزك.
  • -المشاغل والزحمة بتبقى أكتر وقت الصبح فالاستيعاب بتاعك ممكن يقل.

المذاكرة وقت الليل:
==========
مميزاتها:

  1. -الهدوء اللي في وقت الليل هيساعدك على التركيز.
  2. -معظم الناس بتبقى نايمة في الوقت ده فالمشتتات هتقل، بمعنى مفيش حد هيتصل بك مثلا يقطع تركيزك فاستيعابك هيزيد.
  3. -القدرة على التفكير الإبداعي بتزيد بليل فبالتالي هتجيلك أفكار أكتر.
  4. -لما تنام بعد المذاكرة المعلومات هتثبت أكتر في ذاكرتك.

عيوبها:
——-

  • -مش هتلاقي غير ضوء صناعي فممكن عينك تتعبك.
  • -لو احتجت مساعدة من صديقك أو أي حد في حاجة مش فاهمها مش هتعرف توصله بسهولة.
  • -لو احتجت تدور على كتاب في مكتبة مثلاُ مش هتللاقي مكتبات فاتحة في الوقت ده.

-لو انت من النوع اللي بيحب يذاكر مع مجموعة هيبقى صعب تجمًع مجموعة في الوقت ده.

بس لو انت من النوع اللي نشاطه وتركيزه بيبقى أكتر بليل خلي بالك من:
———————————————————
-النوم مهم قوى فاعمل نظام يساعدك أنك تنام على الأقل 7 ساعات يومياً.

-اهتم بقوة الإضاءة اللي بتذاكر فيها علشان تقلل التعب على عينك.

-قلل من شرب الكافيين وانت بتذاكر- على الأقل 4 ساعات قبل النوم.

الخلاصة أن كل وقت له المميزات والعيوب بتاعته وكل واحد له النمط المناسب له،

ممكن تجرب تذاكر شوية في النهار وشوية في الليل وعلى حسب استعابك وتركيزك حدد اكتر وقت مناسب لك واستمر عليه.

 

أفضل 15 تطبيق مهم لكل طلاب الثانوية والجامعة

أفضل وقت للمذاكرة + 10 عادات علشان تذاكر أحسن
*******************

معندكش وقت تذاكر الكورسات الكتير اللي بتحضرها؟
مش بتستفيد من الكتب اللي بتقرأها؟
نفسك تذاكر بشكل أحسن؟
============================
كتير من الناس بيعاني من المشاكل دي وبالنسبة له المذاكرة حاجة صعبة ومملة ومفيش فيها أي متعة،
بعد ما قرأت في الكتب والمواضيع المتعلقة بالمذاكرة والتعلم توصلت أن أي واحد ممكن يذاكر
ويتعلم كويس ويستفيد أكبر استفادة من المعلومات اللي بيقرأها في الكتب أو يتعلمها في الكورسات، فيه بعض العادات البسيطة اللي لما نتعود عليها هنعرف نذاكر صح زي:

 

1-أهم حاجة تجنب التسويف، وده ممكن يحصل بأنك تواظب على الصحيان بدري وأول حاجة

تعملها في يومك هي أنك تخلص المذاكرة اللي وراك، ده طبعاً بعد ما تكون نمت بشكل كافي.

2-خطط لمذاكرتك، حدد في اخر اليوم هتذاكر إيه تاني يوم واكتب قائمة بالمهام اللي هتنجزها وانت بتذاكر، ده هيساعدك على تنظيم أولوياتك وأنك تخلص كل اللي وراك.

3-غالباً هيبقى فيه درس معين أو فصل معين حاسس أنه صعب وأنك مش هتعرف تذاكره، ابدأ بالدرس ده، بكده هتحس أنك انجزت حاجة كبيرة وهتكمل باقي اللي وراك بحماس.

4-حدد قائمة بكل المهام اللي وراك لمدة أسبوعين مثلاً وراجعها كل يوم، ده هيخليك محدد إيه الحجات اللي المفروض

تعملها في خلال الأسبوعين دول فمش هتحس بتوتر أو ضيق وقت لما امتحان مثلاً يقرب، وبرضه رتب المهام اللي كتبتها في القائمة بتاعتك بحيث أنك تذاكر المهم الأول.

5-لو لقيت أن الدرس اللي المفروض تذاكره كبير قوي قسمه لأجزاء صغيرة وخلص كل جزء منهم في وقت لوحده، ده مش هيخليك تأجل مذاكرة الدرس تاني.

6-لو حاسس أن الدرس ممل بالرغم من سهولته ممكن تذاكر الدرس ده أو تتناقش فيه مع مجموعة من زملائك، بكده هتحس بمتعة أكبر.

7-حدد لنفسك هدف من اللي بتذاكره وليكن مثلاً أنك تعرف معلومات إزاي تنظم وقتك، ده هيخليك متحمس أكتر للمذاكرة ومش هتكسل.

8-متذاكرش أكتر من ساعة متواصلة حتى لو لقيت نفسك قادر تكمل، كده هيخلي إجمالي عدد ساعات المذاكرة أكتر والتركيز أحسن.

9-متبصش على موبايلك كل شوية أثناء المذاكرة، ده هيضمنلك تركيز وفهم أحسن وعدم تشتت.

10-لو لقيت نفسك برضه مضغوط ومش قادر تذاكر ممكن تاخد اليوم بريك وتكمل تاني يوم.

أفضل 5 مواقع تقدم كورسات مجانية ومدفوعة أون لاين بشهادات معتمدة

علاج النسيان وعدم التركيز:
  • يجب الحرص على تناول الغذاء الصحي السليم والمتوازن، والذي يحتوي على الكثير من العناصر الغذائية المفيدة وتناول الأطعمة التي يوجد بها الأوميجا 3.
  • تناول الماء بشكل كبير والذي يعمل على تنظيم الدورة الدموية والسماح للدم بالوصول إلى المخ.
  • ترتيب الأفكار في أوراق لتذكر النقاط المختلفة.
  • الابتعاد عن أي مصدر للقلق والتوتر.
  • الحرص على ممارسة التمرينات الرياضية لتنشيط الجسم والذاكرة.
  • ممارسة التمرينات العقلية ومنها حل الكلمات المتقاطعة والألغاز المختلفة.
  • الحرص على الإقلاع عن التدخين والإدمان.
  • زيارة الطبيب في حال طول فترة النسيان، حيث قد يكون ناجما عن مرض آخر.
  • العمل على استنشاق الاكسجين حتى يصل المخ (شهيق-زفير)

أفضل وقت للمذاكرة وخصوصا أثناء فترة الامتحانات بعد صلاة الفجر لسة الذهن فاضي والتركيز اكتر واحسن والاستفادة تكون أكبر

اترك ردّاً

لن يتم نشر عنوان بريدك الإلكتروني. الحقول الإلزامية مشار إليها بـ *