أفضل 10 مواقع علشان تتعلم لغة جديدة:
أفضل 10 مواقع تساعدك فى تعلم لغات جديدة للمبتدئين
كتير مننا لما يحاول يتعلم أي مهارة جديدة بيركز أكتر على الجزء النظري بمعنى أنه يعمل
بحث مكثف عن إزاي يتعلم المهارة دي ويقرأ فيها كتب كتير لكن بعد كده لما
يحاول يطبق اللي اتعلمه بيكتشف أنه مش عارف يطبقه،
في الحقيقة ده منطقى لأن الأهم من تعلم الجزء النظرى هو تعلم الجزء العملي أو التطبيق.
لما كنت بتعلم اللغة الانجليزية واجهتني مشكلة أني مش عارف ألاقي حد اطبق
معه اللي اتعلمته لأن مفيش تجمعات للاجانب قريبة منى
ومناسبة ليا ممكن اجرب امارس اللغة معهم لكن لما دورت على الانترنت توصلت لأكتر من
موقع بيساعدوا على التعلم التفاعلى بمعنى
أني ألاقى حد أتكلم معه اونلين أو اسمع 👂
لحد بيتكلم باللغة اللي عايز اتعلمها،
المواقع دي هي:
1-Open Cluture :-
الموقع ده يعتبر كنز للي عايزين يتعلموا لغة جديدة لأن فيه كورسات كتير اونلين لأي لغة عايز تتعلمها بالإضافة لمجموعة كبيرة من البودكاست، لك مطلق الحرية تختار عايز تتعلم إيه في الوقت اللي عايز تتعلمه وكل ده مجاني 😮.
2-FluentU :-
لو الهدف بتاعك أنك تتعلم اللغة علشان تستخدمها في المواقف اليومية مع أصحاب اللغة فالموقع
ده هيبقى مفيد جداً لك لأنه فيه فيديوهات
كتير شاملة مواقف حياتية يومية لأصحاب اللغة فلما
تسمعها هتزود مفرداتك اللغوية اللي ممكن
تستخدمها في التعامل مع أصحاب اللغة، فيه برضه تمارين وامتحانات علشان تعرف مستواك اتحسن ولا لأ.
الفيديوهات مترتبة على حسب المستوى اللي عايزه،
الموقع برضه بيفتكر انت شفت فيديو إيه وبيجيبلك فيديوهات شبهه، فيه برضه تطبيق على الموبيل 📱 للموقع ده بحيث أنك تتعلم في أي مكان.
3-Coursera :-
لو بتفضل طريقة التعلم التقليدية أنك تحضر كورس وحد يشرح لك 👨🏫 بس معندكش وقت أو الميزانية مش كفاية فالموقع ده هيبقى مناسب لك لأنه بيوفر كورسات في اللغة اللي انت عايزها.
ممكن تشوفها اونلين
وفيه برضه امتحاانات بعد كل مستوى وممكن في الآخر تحصل على شهادة معتمدة، الميزة انك تقدر تحدد الوقت المناسب لك أنك تشوف الكورس.
أفضل 10 مواقع تساعدك فى تعلم لغات جديدة للمبتدئين
4-Verbling :-
لو المكان اللي انت فيه مفهوش حد تمارس معه اللغة فالحل أنك تحجز لدرس خاص مع مدرس لو عايز تتقدم أسرع بس طبعاً المدرس مش هيبقى متوفر على طول بالإضافة أن التكلفة هتبقى عالية 💵.
الحل التاني هو انك تستخدم الموقع
ده اللي تقدر عن طريقه تختار أي مدرس اونلين في الوقت اللي انت عايزه وبأسعار مناسبة.
أفضل 10 قنوات علي اليوتيوب تتعلم منها اللغة الانجليزية
5-Innovative Language :-
لو بتحب تتعلم باستخدام طرق مختلفة علشان متزهقش فالموقع ده مناسب لك لأنه بيوفرلك طرق كتير تتعلم بيها متضمنة فيديوهات وبودكاست سواء
من أصحاب اللغة أو من ناس خبيرة في اللغة اللي عايز تتعلمها، كل ده معروض بطريقة تفاعلية تخليك تمارس الكلام من بداية تعلمك.
6-Babbel :-
لو وقتك مشغول قوى بحيث أن مفيش في يومك غير دقائق ممكن تتعلم فيها فالموقع ده هيبقى مناسب لك لأن معظم الدروس بتاعته بتاخد وقت من 10 دقائق لربع ساعة
بالكتير فممكن تشوفهم في أوقات فراغك، الميزة فيه أنه بيساعدك تتعلم اللغة اللي عيزها حسب لغتك الأم 😮.
7-Hello talk :-
من أقوى الطرق انك تتعلم لغة بسرعة هو أنك تمارسها مع حد من أصحاب اللغة الأصلية، الموقع ده بيوفرلك إمكانية أنك تتعرف على ناس من أصحاب
اللغة وعيزين يتعلموا اللغة بتاعتك فممكن تتواصل مع أي حد فيهم بسهولة علشان تتبادل معه تعلم اللغات.
8-Italki :-
الموقع ده بيساعدك أنك تلاقي مدرس محترف 👨🏫 اونلين ممكن تحجز معه علشان تتعلم منه أي حاجة مرتبطة باللغة اللي عايز تتعلمها، علشان تتأكد من
اختيارك بيخليك تجرب الأول نص ساعة او أقل مجاناً، ممكن برضه تلاقي حد زيك لسه بيتعلم فمممكن تتبادل معه الخبرات.
كيف نترجم نصا من اللغة الانجليزية الى العربية بدون موقع ترجمة جوجل ؟
9-Duolingo :-
لو انت من النوع اللي بتزهق بسرعة فالتطبيق ده مناسب لك لأنه بيعلمك اللغة كأنك بتلعب لعبة، مقسم التعلم لمجموعة مستويات ومش هينفع تروح للمستوى الأعلى غير
لما تتقن المستوى الحالي وده بيحصل عن طريق أنك تجاوب على الأسئلة اللي بيسألهالك، التطبيق مجاني إلا لو مش عايز تشوف إعلانات.
10-Streema :-
لو بتتعلم لغة مش منتشرة ومش لاقي فيديوهات كتير بتتكلم باللغة دي فالموقع ده مناسب لك، بالرغم أنه مش مخصص لتعلم اللغة لكن هتلاقي فيه فيديوهات مباشرة لأي لغة انت عايز تتعلمها.
