أشهر تسعة أكاذيب عن التعلم

أشهر9 أكاذيب عن التعلم

أشهر تسعة أكاذيب عن التعلم
أشهر تسعة أكاذيب عن التعلم

فيه معلومات كتير مرتبطة بالمذاكرة والتعلم ممكن نكون مُعتبرينها حقائق مًسلم بيها فبالتالي بنتصرف على الأساس ده لكن في الحقيقة لو دورنا أكتر بنكتشف أن معظم المعلومات دي خرافات اتحولت لحقيقة من كثرة  ما الناس بتتداولها وتتكلم عنها….من المعلومات دي:
1-إعادة القراءة: 

معظمنا لما بنذاكر أي حاجة دائما بنلجأ لإعادة قراءة المعلومة أكتر من مرة لو مش فاهمينها وبنلجأ للتظليل بألوان مختلفة للمعلومات المهمة على أساس أن بكده المعلومة هتثبت في الذاكرة، في الحقيقة الدراسات الحديثة أثبتت أن الكلام ده غلط وأن لو هتقرأ الحاجة أكتر من مرة في نفس الوقت ده ملهوش علاقة بالذاكرة إلا لو قرأته على فترات متباعدة.

2-اختلافات المخ:
 فيه برضه معلومة منتشرة بتقول أن الشخص يا إما بيستخدم النص الشمال في التعلم بتاعه أو النصف اليمين، يعني يا إما الشخص يبقى على طول معتمد على المنطق والحقائق والأرقام أو على طول معتمد على التخيل والإبداع، برضه الدراسات الحديثة أثبتت أن معظمنا بيستخدم النصفين مع بعض أثناء التعلم أو السلوكيات الأخرى.

3-قانون ال 10000 ساعة :
 واللي بيقول أن أي حد هيبقى محترف في مهارة معينة لو مارسها لمدة عشر الاف ساعة، في الحقيقة الكلام ده مضبوط في المهارات المعروفة واللي ليها قوانين من زمان زي لعب التنس مثلاً لكن لو مهارة ملهاش قوانين محددة فالحتراف فيها مش مجرد عن طريق الممارسة.
4-الإجابة الأولى:
 فيه برضه معلومة منتشرة بتقول أنك لو في امتحان وهتختار أكتر من إجابة، دائما أول إجابة بتيجي في مخك هي الصح ولو غيرتها هتبقى جاوبت على السؤال غلط، دراسات حديثة أثبتت أن الكلام ده ملهوش أساس من الصحة وان لو عندك وقت للمراجعة في الامتحان ممكن تعدل إجاباتك عادي.
5-الذكاء ثابت: 
ناس كتير بتعتقد أن الشخص بيتولد ذكي أو غبي وأنك مينفعش تنمي ذكائك، في الحقيقة الكلام ده برضه غلط وأن الذكاء زيه زي أي مهارة ممكن تنميتها مع الوقت.
6-تشجيع الذكاء:
 معظمنا فاهم أننا لما نشجع طفل مثلاً أنه يذاكر نقوله جمل زي” انت ذكي اوي”، “انت شاطر” وغيرها لكن في الحقيقة التشجيع بالطريقة دي مش هيساعده لأنه مثلاً لو حصل على درجات وحشة هيعتقد أنه غبي، لكن الصح هو التشجيع على المجهود ونفهمه أنه ممكن يغلط عادي بحيث أنه ميخافش ودائما يجرب ويغلط ويتعلم من غلطه.
7-7 % من المخ:
 فيه معلومة معروفة بتقول أن معظمنا بيستخدم 10% بس من قدرات مخه وأننا لو نجحنا في استخدام ال90% الباقيين هيبقى عندنا قدرات خارقة، برضه الدراسات الحديثة أثبتت أننا بنستخدم كل قدرات مخنا سواء في التعلم أو المهارات التانية.
8- هرم التعلم:
 هرم التعلم بيقول أننا بنفتكر 10% من اللي بنقرأه و20% من اللي بنسمعه و30% من اللي بنشوفه و50% من اللي بنشوفه ونسمعه و70% من اللي بنقوله ونكتبه و90% من اللي بنعمله أو نعلمه لحد، برضه الكلام ده مش مبني على أي دراسة وكلها اجتهادات.
9- اختصارات التعلم:
 منتشرة اوي فكرة أن الشخص ممكن يحترف تعلم مهارة معينة في وقت قليل لكن الحقيقة أن الوقت القليل ممكن يوصلك لمستوى معقول من المهارة لكن علشان تحترف محتاج مجهود ووقت علشان المخ يستوعب المعلومات الجديدة.

اترك ردّاً

لن يتم نشر عنوان بريدك الإلكتروني. الحقول الإلزامية مشار إليها بـ *