نصائح لتفادى مشكلة النسيان بعد المحاضرات فى الجامعة
حل مشكلة النسيان بعد المحاضرات
نصائح لتفادى مشكلة النسيان بعد المحاضرات فى الجامعة
من المواقف اللي كانت بتتكرر معايا أثناء دراستي في الكلية أن ممكن الدكتور يشرح محاضرة معينة اعرف فيها معلومات جديدة ، ببقى فاهمها كويس وأنا في المحاضرة لكن لما اروح البيت واذاكر المحاضرة دي بحس أن أول مرة اشوف المعلومات اللي لسه الدكتور شارحها.
ممكن وقتها اذاكرها من أول وجديد بس بعد أسبوع مثلاً لما الدكتور ييدأ شرح المحاضرة التانية ويجيب سيرة أي حاجة من المحاضرة القديمة بحس أنه برضه بيتكلم عن حاجة أول مرة اعرفها وكأني مذاكرتش أي حاجة قبل كده.
نصائح لتفادى مشكلة النسيان بعد المحاضرات فى الجامعة |
وقتها قلت يمكن تكون ذاكرتي ضعيفة لكن لما سألت زمايلي لقيت معظمهم بيعاني من نفس المشكلة، ده خلاني ادور عن إزاي احتفظ بالمعلومات في الذاكرة والذاكرة أصلاً إزاي بتشتغل، توصلت وقتها لبعض الحقائق زي:
=============================
حلول عملية وبسيطة لتفادى مشكلة النسيان وعدم التذكر بعد الانتهاء من المحاضرات الجامعية
علشان المعلومة الجديدة تدخل الذاكرة وتثبت فيها بتمر ب 3 مراحل:
1-استقبال المعلومة وده بيحصل عن طريق الحواس الخمسة:-
8 أسرار لتطوير ذاكرتك باستخدام مكملات وفيتامينات للذاكرة
، كل ما تستخدم حواس أكتر كل ما المعلومة تثبت، يعني لو فيه جملة معينة أو مفهوم جديد عايز تفتكره بعد كده فممكن مثلاً تكتبه في ورقة وتعلم عليه بألوان مختلفة بحيث أنك تستخدم حاسة البصر، ممكن برضه تقرأه بصوت عالي أكتر من مرة بحيث تستخدم حاسة السمع وهكذا.
2-التخزين، في المرحلة دي المعلومة بتتخزن في أجزاء معينة في المخ:-
، فيه في المخ مجموعات من الخلايا العصبية المعلومات بتتخزن فيها، الخلايا دي بتكلم بعض عن طريق وصلات عصبية، لو المعلومة قديمة الوصلة دي هتبقى قوية، علشان كده لو نجحت تربط المعلومة الجديدة بحاجة انت عارفها قبل كده المعلومة الجديدة هتثبت بسهولة أكتر.
3-مراجعة المعلومة:-
===================
عاشان برضه الاقي سهولة أكتر في أني افتكر المعلومة الجديدة سواء درس جديد أو حتى اسم شخص أول مرة اقابله وغيرها من الحجات اللي بتعتمد على الذاكرة ففيه بعض التغيرات البسيطة اللي لما اتعملت في الأسلوب اللي عايش بيه فرقت قوى زي:
——————————————-
1-النوم المنتظم،
مهم قوى أن الشخص ينام على الأقل 7 ساعات يومياً وخصوصاً بعد ما يكون ذاكر المعلومة الجديدة لأن الوصلات العصبية بتبقى أقوى في وقت النوم.
2-الرياضة بانتظام،
اللي بيساعد على تقوية الذاكرة هو دخول الأوكسجين في المخ عن طريق ضخ الدم في الجسم وده اللي بيحصل لما امارس الرياضة بشكل منتظم.
3-نظام الأكل،
=======================
باختصار مفيش ذاكرة ضعيفة وذاكرة قوية، الموضوع كله هو أن الذاكرة زيها زي أي عضلة في الجسم محتاجة تدريب بانتظام علشان تبقى قوية والتدريب بتاعها بيبقى عبارة عن استراتجيات وتكنيكات.